Cradock wen in die Baai
Cradock wen net op Saterdag 22 Maart het Hoërskool Cradock aan Hoërskool Despatch se Sportfees deelgeneem en in baie warm en winderige omstandighede teen Andrew Rabie gespeel.
Hierdie wedstryd is in die aand gespeel onder ligte, wat verligting van die hitte mee gebring het.
Hoërskool Cradock Cradock het die eerste helfte teen die wind gespeel en die druk van Andrew Rabie verwerk. Mandilakhe Goba slag met ‘n strafskop met die rustyd telling 3-0 in Hoërskool Cradock se guns.
Die tweede helfte het beide spanne goeie aanvallende rugby gespeel wat dit ‘n opwindende en aanskoulike wedstryd gemaak het. Zack Mulder het ‘n drie gedruk wat die telling op 8-0 in Hoërskool Cradock se guns geswaai het. Kort daarna het Andrew Rabie gaan druk en die drie verdoel met die telling 8-7.
Met Hoërskool Cradock op die aanval het die eindfluitjie geblaas en ‘n opwindende wedstyd het tot ‘n einde gekom met Hoërskool Cradock as oorwinnaars 8-7.
Deur Ritus Meiring
