Oakdale beklink Suid-Kaap Liga
Dit was van die eerste wedstryd af duidelik dat die Bulle moeilik op die plaas geklop wou word.
Die eertse span Oakdale het reeds vanjaar met verskeie groot skole afgereken. Die span het vanjaar nog net die knie gebuig teen Grey College van Bloemfontein. Gedurende die eerste helfte het die kwaggas verskeie aanvalsgeleenthede gehad maar Oakdale se verdediging was rotsvas. Oakdale het eerste bloed geruik na omgekeerde balbesit met die drie van Jay-Cee Nel (12) verdoel deur Darren Adonis (15) en opgevolg met 'n strafdoel om die telling 10-0 te maak. Outeniqua het geantwoord met 'n skepskop deur Darylle Kameel (10) om die halftyd telling 10-3 te maak.
Die tweede helfte was gekenmerk deur ongedwonge foute deur albei spanne. Alex Wallace (14) het 'n skitterdrie gedruk uit 'n vasteskrum en bring die telling op 15-3 te staan. Outeniqua loots talle aanvalle maar Oakdale se verdediging was uitstaande. Met 10 min se speeltyd oor breek Xavier Swartbooi (10) deur 'n gaping wat afgerond word Jaco Smit (4) en verdoel deur Darren Adonis (15).
Oakdale beklink die wedstryd vir 'n derde jaar in 'n ry met 22-3.
Outeniqua het beïndruk in die vaste fasette maar kon nie afrond nie terwyl Oakdale se verdediging en vermoë om omgekeerde besit om te skakel in punt goud werd was.
Puntemakers:
Vir Oakdale:
Drieë: Jay-Cee Nel (12), Alex Wallace (14), Jaco Smit (4)
Doelskoppe: Darren Adonis (15) 2
Strafskoppe: Darren Adonis (15)
Vir Outeniqua:
Skepskop: Darylle Kameel (10)
Uitslae van die dag
o.19A: Oakdale wen 27-3
o.19B: Oakdale wen 13-3
o.19C: Oakdale wen 36-0
o.19D: Oakdale wen 55-0
o.19E: Oakdale wen 37-0
o.16A: Oakdale wen 45-7
o.16B: Oakdale wen 28-5
o.16C: Oakdale wen 38-0
o.15A: Oakdale wen 14-7
o.15B: Outeniqua wen 19-12
o.15C: Outeniqua wen 12-3
o.14A: Outeniqua wen 54-7
o.14B: Outeniqua wen 13-5
o.14C: Oakdale wen 14-12
