Medies steeds onoorwonne
Medies 1 het hul onoorwonne veldtog van die afgelope seisoen voorgesit deur Eendrag 1, Vrydag te Tygerberg in ‘n drieë-fees die onderspits te laat delf.
Alhoewel Medies vanaf die begin van die wedstryd die botoon gevoer het, het Eendrag telke male hul klas getoon deur hulself terug te speel in die wedstryd.
Medies het egter aan die einde van die dag net te veel skietgoed gehad vir ‘n begeesterde Eendrag span en het uiteindelik die wedstryd met gemak 38-25 gewen.
Vir Medies het Wessel Coetzee (2), Duncan Havenga (2), Eduan Delport en Lourens Wahl gaan druk. Wahl was ook in die kol met vier doelskoppe.
Met hierdie wen het Medies net weereens beklemtoon dat hulle nie vanjaar maklik op hul tuisveld geklop gaan word nie.
Mediesrugby: “Smart rugby is our medicine.”
Deur Franklin Fortuin
