'n Nuwe 'champ' in Tuks-wereld

FNB Tuks kroon aanstaande Woensdag (Februarie 17) ‘n nuwe kampioen in Steinhoff se koshuis-uitklopliga, nadat Maroela se heerskappy gisteraand (Februarie 10) oplaas beëindig is.

Maroela, die kampioenspan in 2008 en 2009, het in die halfeindronde teen Mopanie vasgeval. In die ander halfeindstryd het Sonop, die 2009-naaswenner, met Boekenhout afgereken.

Mopanie het meer oortuig as Sonop, want Boekenhout was tot in beseringstyd nog sterk in die prentjie.

Ook Mopanie se o.20-span het die eindstryd gehaal deur Maroela uit te skakel. Vividus het sy plek met ‘n goeie sege oor Sonop bespreek.